பழக்கடைக்காரரை தாக்கியவர் கைது

நெல்லை சந்திப்பு கைலாசபுரம் தெற்கு தெருவை சேர்ந்தவர் முருகன் மகன் மாரிசெல்வம் (வயது 22). இவர் நெல்லை சந்திப்பு பகுதியில் பழக்கடை நடத்தி வருகிறார். அதே பகுதியை சேர்ந்தவர் தென்கரை முத்து என்ற துரை (39). இவருக்கும், மாரிசெல்வத்திற்கும் முன்விரோதம் இருந்ததாக கூறப்படுகிறது.

இந்தநிலையில் மாரிசெல்வத்தின் பழக்கடைக்கு வந்த தென்கரை முத்து மீண்டும் அவரிடம் தகராறில் ஈடுபட்டு இரும்பு கம்பியால் தாக்கி கொலை மிரட்டல் விடுத்ததாக கூறப்படுகிறது. இதுகுறித்த புகாரின் பேரில் நெல்லை சந்திப்பு போலீசார் வழக்குப்பதிவு செய்து தென்கரை முத்துவை கைது செய்தனர்.