துப்புரவு தொழிலாளியை தாக்கியவர் கைது

மதுரை ஜெய்ஹிந்த்புரம் சுண்ணாம்பு காளவாசல் பகுதியை சேர்ந்தவர் முத்துவீரன் (வயது 37), துப்புரவு தொழிலாளி. சம்பவத்தன்று இவர் தெற்குவெளி வீதியில் வேலை பார்த்து கொண்டிருந்தார். அப்போது அங்கு வந்த ஒருவர் அவரிடம் தகராறு செய்து தாக்கினார். இது குறித்து அவர் தெற்குவாசல் போலீசில் புகார் அளித்தார். அந்த புகாரின் பேரில் போலீசார் வழக்குப்பதிவு செய்து விசாரணை நடத்தி ராஜாகூரை சேர்ந்த பாண்டி (40) என்பவரை கைது செய்தனர்.