தவறி விழுந்த கூலித்தொழிலாளி சாவு

உத்தமபாளையம் அருகே உள்ள கோகிலபுரம் சர்ச் தெருவை சேர்ந்தவர் சதீஷ்குமார் (வயது 37). கூலித்தொழிலாளி. கடந்த 31-ந்தேதி இவர், உத்தமபாளையம் சென்று விட்டு தனது மோட்டார் சைக்கிளில் கோகிலாபுரம் நோக்கி வந்து கொண்டிருந்தார். அங்குள்ள ஊராட்சி அலுவலகம் அருகே வந்தபோது, மோட்டார் சைக்கிள் நிலைதடுமாறியதில் அவர் தவறி கீழே விழுந்தார். இதில் படுகாயம் அடைந்த சதீஷ்குமாருக்கு, உத்தமபாளையம் அரசு மருத்துவமனையில் சிகிச்சை அளிக்கப்பட்டது. பின்னர் அவர், மேல்சிகிச்சைக்காக தேனி அரசு மருத்துவ கல்லூரி மருத்துவமனையில் சேர்த்தனர். அங்கு சிகிச்சை பலனின்றி சதீஷ்குமார் நேற்று முன்தினம் பரிதாபமாக இறந்தார். இதுகுறித்து உத்தமபாளையம் போலீசார் வழக்குப்பதிவு செய்து விசாரணை நடத்தி வருகின்றனர். இறந்து போன சதீஷ்குமாருக்கு நித்தியா என்ற மனைவியும், 3 வயதில் பெண் குழந்தையும் உள்ளது என்பது குறிப்பிடத்தக்கது.