விபத்தில் காயம் அடைந்த விவசாயி சாவு

சுரண்டை:

சேர்ந்தமரம் அருகே உள்ள வலசை கிராமம் பிள்ளையார் கோவில் தெருவை சேர்ந்தவர் பாண்டி (வயது 60). விவசாயி. கடந்த மாதம் 26-ந்தேதி இவர் மொபட்டில் சேர்ந்தமரம் நோக்கி சென்று கொண்டிருந்தார். திருமலாபுரம் அருகே சென்றபோது, அவரது மொபட்டும், எதிரே சங்கனாபேரி இந்திரா காலனியை சேர்ந்த ராஜன் மகன் சுதாகரன் (20) ஓட்டி வந்த மோட்டார் சைக்கிளும் மோதிக் கொண்டன. இதில் பலத்த காயமடைந்த பாண்டி மற்றும் சுதாகரன் ஆகியோரை அக்கம்பக்கத்தினர் மீட்டு சிகிச்சைக்காக சங்கரன்கோவில் அரசு மருத்துவமனையில் சேர்த்தனர். பின்னர் பாண்டி மேல் சிகிச்சைக்காக நெல்லை அரசு ஆஸபத்திரியில் அனுமதிக்கப்பட்டார். அங்கு சிகிச்சை பலன் அளிக்காமல் பாண்டி நேற்று காலை பரிதாபமாக இறந்தார். இதுகுறித்து சேர்ந்தமரம் போலீசார் வழக்குப்பதிவு செய்து விசாரணை நடத்தி வருகின்றனர்.