மனைவியின் கள்ளக்காதலனை தனது வீட்டிலேயே வெட்டிக்கொன்ற டிரைவர்

மேலூர்

ரகசியமாக சந்தித்த வந்த போது மனைவியின் கள்ளக்காதலனை தனது வீட்டிலேயே ெவட்டிக்கொன்ற டிரைவர் கைது செய்யப்பட்டார்.

வெட்டிக்கொலை

மதுரை மாவட்டம் மேலூர் அருகே உள்ள சொக்ககிழவன்பட்டியை சேர்ந்தவர் ஆண்டிக்காளை (வயது 40). டிராக்டர் டிரைவர். இவரது மனைவி நெவ்வாயி.

சிங்கம்புணரி கோட்டை வேங்கைபட்டியை சேர்ந்தவர் இளையராஜா(39). இவருக்கும், ஆண்டிக்காளையின் மனைவி நெவ்வாயிக்கும் கள்ளத்தொடர்பு இருந்ததாக கூறப்படுகிறது.

இந்தநிலையில் ஆண்டிக்காளையின் வீட்டில் நெவ்வாயியை ரகசியமாக இளையராஜா நேற்று காலை சந்தித்தாராம். இதை பார்த்து ஆத்திரம் அடைந்த ஆண்டிக்காளை, அரிவாளால் இளையராஜாவை சரமாரியாக வெட்டினார். இதில் படுகாயம் அடைந்த இளையராஜா அதே இடத்தில் பரிதாபமாக இறந்தார்.

கைது

இதுகுறித்து தகவல் அறிந்த மேலூர் போலீஸ் துணை சூப்பிரண்டு சார்லஸ், கீழவளவு சப்-இன்ஸ்பெக்டர் பாலகிருஷ்ணன் மற்றும் போலீசார் விரைந்து சென்று இளையராஜாவின் உடலை கைப்பற்றி பிரேத பரிசோதனைக்கு மேலூர் அரசு ஆஸ்பத்திரிக்கு அனுப்பி வைத்தனர்.

மேலும் கொலை சம்பவம் குறித்து கீழவளவு போலீசார் வழக்கு பதிவு செய்து ஆண்டிக்காளையை கைது செய்து விசாரணை நடத்தி வருகின்றனர். இந்த சம்பவம் அப்பகுதியில் பரபரப்பை ஏற்படுத்தியுள்ளது.