சின்ன ஏரியில் முதியவர் பிணம்

மத்தூர்:

மத்தூர் பஸ் நிலையம் அருகே சின்ன ஏரியில் நேற்று காலை 60 வயது மதிக்கத்தக்க முதியவர் பிணம் மிதந்தது. இதுகுறித்து பொதுமக்கள் கிராம நிர்வாக அலுவலர் லெனினுக்கு தகவல் தெரிவித்தனர். அவர் கொடுத்த புகாரின் பேரில் போச்சம்பள்ளி தீயணைப்பு துறையினர் மற்றும் போலீசார் விரைந்து வந்து முதியவரின் உடலை மீட்டனர். போலீசார் நடத்திய விசாரணையில் உடல் அழுகிய நிலையில் இருந்ததால் முதியவர் யார்?, எந்த ஊரை சேர்ந்தவர்? என்பது தெரியவில்லை. ஏரியில் இறங்கியபோது அவர் தவறி விழுந்து இருக்கலாம் என சந்தேகம் உள்ளது. இறந்த முதியவர் குறித்து போலீசார் தொடர்ந்து விசாரணை நடத்தி வருகின்றனர்.