மகாலிங்க சாமி கோவில் தைப்பூச தீர்த்தவாரி

திருவிடைமருதூர்;

திருவிைடமருதூர் மகாலிங்க சாமி கோவில் தைப்பூச தீர்த்தவாரியையொட்டி ஆயிரக்கணக்கானோா் காவிரியில் புனித நீராடினர்.

தைப்பூச தீா்த்தவாரி

கும்பகோணம் அருகே உள்ள திருவிடைமருதூரில் பிரசித்தி பெற்ற மகாலிங்கசாமி கோவில் உள்ளது. இந்த கோவிலில் ஆண்டுதோறும் தைப்பூச விழா 10 நாட்கள் சிறப்பாக நடப்பது வழக்கம். இந்த ஆண்டுக்கான விழா கடந்த 26- ந் தேதி கொடியேற்றத்துடன் தொடங்கியது.விழாவின் முக்கிய நிகழ்ச்சியான தைப்பூச தீா்த்தவாரி நேற்று நடந்தது. முன்னதாக காலை 10:30 மணிக்கு பஞ்சமூர்த்திகள் வெள்ளி ரிஷப வாகனங்களில் வீதி உலாவாக புறப்பட்டு திருவிடைமருதூர் காவிரி கரையில் எழுந்தருளினர். அப்போது வழி நெடுக ஆயிரக்கணக்கான பக்தர்கள் பஞ்சமூர்த்திகளுடன் புனித நீராட காவிரியை நோக்கி வந்த வண்ணம் இருந்தனர்.

புனித நீராடினர்

திருவாவடுதுறை ஆதீனம் அம்பலவாண தேசிக பரமாச்சாரியார் சுவாமிகள் முன்னிலையில் அஸ்திர தேவருக்கு மஞ்சள், திரவியம் பஞ்சாமிர்தம், பால், தேன் உள்ளிட்ட 16 வகையான திரவியங்களை கொண்டு அபிஷேகம் நடைபெற்றது.பின்னர் மகா தீபாராதனை நடைபெற்று காவிரியில் தீர்த்தவாரி நடைபெற்றது. அப்போது காவிரி ஆற்றில் திருவாடுதுறை ஆதீனம் மற்றும் காவிரியின் இரு கரைகளிலும் திரண்டிருந்த ஆயிரக்கணக்கான பக்தர்கள் ஒரே நேரத்தில் புனித நீராடினர்.

கண்காணிப்பு பணி

அப்போது காவிரியின் வடகரையில் கல்யாணபுரம் கல்யாண சுந்தரேஸ்வரர் அம்பாளுடன் எழுந்தருளினார். விழாவையொட்டி திருவிடைமருதூர் துணை போலீஸ் சூப்பிரண்டு ஜாபர்சித்திக் தலைமையில் 100-க்கும் மேற்பட்ட போலீசார் கண்காணிப்பு பணியில் ஈடுபட்டிருந்தனர். தீயணைப்பு வீரர்கள் ஆற்றில் ரப்பர் படகுகளுடன் வலம் வந்து யாராவது தண்ணீரில் மூழ்குகிறார்களா என கண்காணித்தனர். தைப்பூச தீர்த்தவாரி ஏற்பாடுகளை கோவில் கண்காணிப்பாளர் ஸ்ரீராம் மற்றும் பணியாளர்கள் செய்திருந்தனர்.