கஞ்சா வைத்திருந்த வாலிபர் கைது

தேனி-பெரியகுளம் சாலையில் சக்கரைப்பட்டி விலக்கு அருகில் தேனி போதைப்பொருள் நுண்ணறிவு பிரிவு சிறப்பு சப்-இன்ஸ்பெக்டர் ராஜா தலைமையில் போலீசார் ரோந்து சென்றனர். அப்போது அந்த பகுதியில் சந்தேகப்படும் வகையில் நின்று கொண்டிருந்த வாலிபரை பிடித்து விசாரித்தனர். அவர் வைத்திருந்த பையை சோதனையிட்ட போது, அதில் 1 கிலோ 400 கிராம் கஞ்சா இருந்தது.

விசாரணையில் அவர் மஞ்சளாறு அணை கோம்பை தெருவை சேர்ந்த ஷியாம்பால் (வயது 26) என்பதும், அவர் விற்பனைக்காக கஞ்சாவை வைத்திருந்ததாகவும் தெரியவந்தது. இதுகுறித்து போலீசார் வழக்குப்பதிவு செய்து ஷியாம்பாலை கைது செய்தனர். அவரிடம் இருந்த கஞ்சாவையும் பறிமுதல் செய்தனர்.