திருச்செந்தூர் சுப்பிரமணிய சுவாமி கோவிலில் இயக்குனர் கே.பாக்கியராஜ் குடும்பத்துடன் சாமி தரிசனம்

திருச்செந்தூர்,

திருச்செந்தூர் சுப்ரமணிய சுவாமி கோவிலுக்கு இன்று இயக்குனர் கே.பாக்யராஜ் தனது மனைவி பூர்ணிமாவுடன் வந்தார். அவர் தனது மனைவியுடன் கோவிலுக்குள் சென்று மூலவர், சண்முகர், வள்ளி, தெய்வானை உள்ளிட்ட அனைத்து சன்னதிகளுக்கும் சென்று சாமி தரிசனம் செய்தார்.

பின்னர் கோவிலுக்கு வெளியே வந்த கே.பாக்கியராஜ் நிருபர்களிடம் கூறியதாவது:-

புரட்சிதலைவர் எம்.ஜி.ஆர். நினைவு நாளான இன்று, எனக்கும் நட்சத்திர பிறந்தநாள் அதனால் சாமி தரிசனம் செய்தேன். மிகவும் மகிழ்ச்சியாக உள்ளது. எம்.ஜி.ஆர். ஆத்மா சாந்தியடைய வேண்டுகிறேன். தமிழத்தில் அவர் நினைத்தது போல் எல்லாம் நடந்து மீண்டும் அவர் பெயர் சொல்ல வேண்டும்.

மக்கள் அனைவரும் கஷ்டப்படாமல் இருக்க வேண்டும் என வேண்டி கொள்கிறேன். வரும் ஆண்டில் புதிய படம் இயக்க உள்ளேன். இவ்வாறு கூறினார்.