காரிமங்கலத்தில் விஷம் தின்று வாலிபர் தற்கொலை

காரிமங்கலம்:

காரிமங்கலத்தை சேர்ந்தவர் மாதேஷ். இவரது மகன் வேல்முருகன் (வயது20). கார் டிரைவர். இவர் கடந்த சில மாதங்களுக்கு முன்பு தனது மோட்டார் சைக்கிளை அடமானம் வைத்து கடன் வாங்கி உள்ளார். இது அவரது தந்தைக்கு தெரிய வந்தது. இதுதொடர்பாக அவர் மகனிடம் கேட்டுள்ளார். இதனால் வேதனையடைந்த வேல்முருகன் (எலி பேஸ்ட்) விஷத்தை தின்று விட்டு வீட்டில் மயங்கி கிடந்தார். இதனை கண்ட குடும்பத்தினர் அவரை மீட்டு தர்மபுரி அரசு மருத்துவமனையில் சேர்த்தனர். அங்கு தீவிர சிகிச்சை அளித்தும் பலனின்றி அவர் பரிதாபமாக உயிரிழந்தார். இது குறித்து காரிமங்கலம் போலீசார் வழக்குப்பதிவு செய்து விசாரணை நடத்தி வருகின்றனர்.