தூக்குப்போட்டு தொழிலாளி தற்கொலை

ஓமலூர்:

ஓமலூரை அடுத்த புளியம்பட்டி காளியம்மன் கோவில் பகுதியை சேர்ந்தவர் ராஜேந்திரன் (வயது 50), தொழிலாளி. இவருடைய மனைவி ஜெயா (45). சம்பவத்தன்று கணவன்-மனைவிக்கு இடையே தகராறு ஏற்பட்டதாக தெரிகிறது. இதனால் ராஜேந்திரன் வீட்டுக்கு பின்புறம் உள்ள வேப்ப மரத்தில் கயிற்றால் தூக்குப்போட்டு தற்கொலை செய்து கொண்டார்.

இதுகுறித்து தகவல் அறிந்த ஓமலூர் போலீசார் சம்பவ இடத்துக்கு விரைந்து சென்று ராஜேந்திரனின் உடலை கைப்பற்றி பிரேத பரிசோதனைக்காக ஓமலூர் அரசு ஆஸ்பத்திரிக்கு அனுப்பி வைத்தனர். சம்பவம் குறித்து வழக்குப்பதிவு செய்து விசாரணை நடத்தி வருகின்றனர்.