நீடாமங்கலம் பகுதிகளில் கடந்த சில நாட்களாக வெயில் சுட்டெரித்து வந்தது. இதனால் பொதுமக்கள் வெளியே வரமுடியாமல் அவதியடைந்தனர். இந்தநிலையில் நேற்று இரவு நீடாமங்கலத்தில் குளிர்த்த காற்றுடன் திடீரென மழை பெய்தது. கடும் வெப்பத்தால் அவதிப்பட்ட மக்களுக்கு இந்த மழை சற்று குளிர்ச்சியை ஏற்படுத்தியது. இதேபோல் திருமக்கோட்டை மற்றும் அதனை சுற்றியுள்ள பகுதிகளில் இரவு 8 மணி அளவில் இடி- மின்னல் கனமழை கொட்டியது. இதனால் மின்சாரம் தடைப்பட்டது. ஆங்காங்கே மரங்கள் சாய்ந்து விழுந்தன. ரோடுகளில் தண்ணீர் வெள்ளம் போல் பெருக்கெடுத்து ஓடியது. 2 மணிநேரம் பெய்த இந்த கனமழையால் வெப்பம் தணிந்து குளிர்ச்சியானது.