மத்திய தொழில் பாதுகாப்பு படை வீரர் திடீர் சாவு

பணகுடி:

தேனியை சேர்ந்தவர் பாலாஜி (வயது 42). இவர் நெல்லை மாவட்டம் காவல்கிணறு மகேந்திரகிரி விண்வெளி ஆராய்ச்சி (இஸ்ரோ) மையத்தில் மத்திய தொழில் பாதுகாப்பு படை தலைமை காவலராக பணியாற்றி வந்தார்.

இவருக்கு நேற்று முன்தினம் திடீரென்று உடல் நலம் பாதிக்கப்பட்டது. இதையடுத்து அவர் உடனடியாக பணகுடி அரசு ஆஸ்பத்திரிக்கு கொண்டு செல்லப்பட்டார். அங்கு பரிசோதித்த டாக்டர்கள், பாலாஜி ஏற்கனவே இறந்து விட்டதாக தெரிவித்தனர். இதுகுறித்து பணகுடி போலீசார் வழக்குப்பதிவு செய்து விசாரணை நடத்தி வருகிறார்கள்.