பள்ளி மாணவிகளுக்கான விளையாட்டு போட்டிகள்

திருவண்ணாமலை மாவட்ட விளையாட்டு அரங்கில் பள்ளி மாணவிகளுக்கான விளையாட்டு போட்டிகள் வருகிற 20-ந் தேதி நடக்கிறது.

விளையாட்டு போட்டிகள்

திருவண்ணாமலை மாவட்ட கலெக்டர் அலுவலக வளாகத்தில் உள்ள மாவட்ட விளையாட்டு அரங்கில் பெண் குழந்தைகளை பாதுகாப்போம், பெண் குழந்தைகளுக்கு கற்பிப்போம் என்ற திட்டத்தின் கீழ் அனைத்து அரசு பள்ளி, அரசு உதவி பெறும் பள்ளி, தனியார் பள்ளியில் 6-ம் வகுப்பு முதல் 12-ம் வகுப்பு வரை பயிலும் மாணவிகளுக்கும் வருகிற 20-ந் தேதி (செவ்வாய்க்கிழமை) விளையாட்டுப் போட்டி நடைபெற உள்ளது.

இதில் பங்குபெறும் மாணவிகள் போட்டிக்கு வரும்போது தலைமைஆசிரியர் கையொப்பமிட்ட போட்டிக்கான நுழைவு அனுமதி விண்ணப்பம் எடுத்து வர வேண்டும்.

தடகளம்

இதில் தடகளம், கைப்பந்து, ஆக்கி, வாலிபால், கூடைப்பந்து ஆகிய போட்டிகள் நடைபெற உள்ளது. தடகளத்தில் 100 மீட்டர், 200 மீட்டர், 400 மீட்டர், 800 மீட்டர், 1500 மீட்டர் ஓட்டம், நீளம் தாண்டுதல், குண்டு எறிதல், வட்டு எறிதல் ஆகிய போட்டிகள் நடைபெற உள்ளது.

ஒரு பள்ளியில் இருந்து ஒரு குழு போட்டியிலும், தடகள போட்டியில் ஒரு மாணவி 2 போட்டியிலும் கலந்து கொள்ளலாம்.

கூடுதல் விவரங்களுக்கு மாவட்ட விளையாட்டு மற்றும் இளைஞர் நல அலுவலரை 04175-233169 என்ற தொலைபேசி எண்ணில் தொடர்பு கொள்ளலாம்.

இந்த தகவலை கலெக்டர் முருகேஷ் தெரிவித்துள்ளார்.