காஞ்சியப்ப அய்யனார் கோவிலில் சிறப்பு யாகம்

நாகை மாவட்டம் வேதாரண்யம் அருகே வெள்ளபள்ளம் வானவன் மகாதேவியில் உள்ள பூர்ண, புஷ்கலாம்பிகா, காஞ்சியப்ப அய்யனார், காஞ்சி காமாட்சி அம்மன் கோவிலில் உலக நன்மை வேண்டி சிறப்பு யாகம் நடந்தது. இதையொட்டி மூர்த்தி சாங்கித்ய நிகழ்ச்சி நடந்தது. முன்னதாக சாமி, அம்மன், தூண்டிகாரன் உள்ளிட்ட பரிவார தேவதைகளுக்கு சிறப்பு அபிஷேக ஆராதனைகள் நடந்தன. கோவில் நிர்வாகக்குழு தலைவர் ராஜேந்திரன் தலைமையில் நடைபெற்ற நிகழ்ச்சியில் உள்ளூர், வெளியூர் மற்றும் வெளிநாடு வாழ் மருளாளிகள் உள்பட பலர் கலந்து கொண்டு சாமி தரிசனம் செய்தனர். இதையொட்டி உலக இந்து திருக்கோவில்கள் அமைப்பின் மாநில ஆன்மிக மகளிரணி தலைவி நாகை ஜோதிலதா செந்தில்குமார் சொற்பொழிவு நடைபெற்றது. இதில் கலந்து கொண்ட அனைவருக்கும் அன்னதானம் வழங்கப்பட்டது.