ஆஞ்சநேயருக்கு சிறப்பு வழிபாடு

வாய்மேடு:

தலைஞாயிறு ஒன்றியம் உம்பளச்சேரி சமயபுரத்து மாரியம்மன் கோவிலில் பக்த வைராக்கிய ஆஞ்சநேயர் தனி சன்னதியில் எழுந்தருளி பக்தர்களுக்கு அருள்பாலிக்கிறார். வைகாசி மாத அமாவாசையையொட்டி ஆஞ்சநேயருக்கு சிறப்பு வழிபாடு நடந்தது. முன்னதாக ஆஞ்சநேயருக்கு பால், பன்னீர், இளநீர், சந்தனம், நெய், தேன், திரவியம், உள்ளிட்டவைகளால் அபிஷேகம் செய்யப்பட்டது. பின்னர் மலர்களால் அலங்கரித்து, சந்தனகாப்பு சாத்தப்பட்டு தீபாராதனை காண்பிக்கப்பட்டது. இதில் திரளான பக்தர்கள் கலந்து கொண்டு சாமி தரிசனம் செய்தனர்.