பாம்பு கடித்து மாணவர் பலி

மேலூர்,

மேலூர் அருகே உள்ள பனங்காடியை சேர்ந்தவர் தங்கராஜ். இவருடைய மகன் கருப்புசாமி (வயது 17). இவர் தூத்துக்குடி மாவட்டம் சில்லாங்குளத்தில் தனியார் பள்ளியில் தங்கி பிளஸ்-2 படித்து வந்தார்.

இந்த நிலையில் வீட்டில் இருந்த கருப்புசாமி பனங்காடியில் உள்ள வயலுக்கு சென்றபோது பாம்பு ஒன்று கடித்துவிட்டது. சிகிச்சைக்காக மேலூர் அரசு ஆஸ்பத்திரிக்கு வரும் வழியில் கருப்புசாமி இறந்தார். இதுகுறித்து மேலூர் போலீசார் வழக்கு பதிவு செய்து விசாரணை நடத்தி வருகின்றனர்.