மாடியில் இருந்து தவறி விழுந்துகட்டிட தொழிலாளி சாவு

கடலூர் மாவட்டம் திருவந்திபுரம் தாலுகா கே.என்.பேட்டை சத்யசாய் நகரை சேர்ந்தவர் சரவணன் (வயது 55). கட்டிட தொழிலாளி. சம்பவத்தன்று இவர் தூத்துக்குடி ஓம்சாந்திநகர் பகுதியில் கட்டிட வேலையில் ஈடுபட்டு இருந்தார்.

அப்போது எதிர்பாராத விதமாக முதல் மாடியில் இருந்து தவறி கீழே விழுந்தார். இதில் பலத்த காயம் அடைந்த சரவணன் சிகிச்சைக்காக தூத்துக்குடி அரசு ஆஸ்பத்திரியில் சேர்க்கப்பட்டார். அங்கு அவருக்கு தீவிர சிகிச்சை அளிக்கப்பட்டு வந்தது. இந்த சிகிச்சை பலன் அளிக்காமல் சரவணன் பரிதாபமாக இறந்தார்.

இது குறித்த புகாரின் பேரில் சிப்காட் போலீசார் வழக்கு பதிவு செய்து விசாரணை நடத்தி வருகின்றனர்.