தர்மபுரி அங்காடியில் ரூ.6 லட்சத்து 41 ஆயிரத்துக்கு பட்டுக்கூடுகள் விற்பனை

தர்மபுரியில் பட்டு வளர்ச்சி துறை சார்பில் செயல்பட்டு வரும் பட்டுக்கூடுகள் ஏல அங்காடிக்கு நேற்று பல்வேறு மாவட்டங்களில் இருந்து விவசாயிகள் சுமார் 1¼ டன் பட்டுக்கூடுகளை விற்பனைக்கு கொண்டு வந்தனர். நேற்று முன்தினம் அதிகபட்சமாக ஒரு கிலோ ரூ.587-க்கு விற்பனையான பட்டுக்கூடு நேற்று கிலோவிற்கு ரூ.53 அதிகரித்தது. ஒரு கிலோ பட்டுக்கூடு அதிகபட்சமாக ரூ.640-க்கும், குறைந்தபட்சமாக ரூ.318-க்கும், சராசரியாக ரூ.470.13-க்கும் விற்பனையானது. மொத்தம் ரூ.6 லட்சத்து 41 ஆயிரம் மதிப்பில் பட்டுக்கூடுகள் விற்பனை செய்யப்பட்டது.