அரசு விடுதியில் சேர மாணவர்களுக்கு தேர்வு

நெல்லை:

தமிழகம் முழுவதும் அரசு மற்றும் தனியார் பள்ளிகளில் படிக்கும் மாணவர்கள், விளையாட்டு பிரிவின் உள் இட ஒதுக்கீட்டின் கீழ் அரசு விடுதிகளில் சேர்வதற்கான தேர்வு நேற்று நடந்தது. அதன்படி நெல்லை, தென்காசி மாவட்டங்களில் உள்ள மாணவர்களுக்கான தேர்வு, பாளையங்கோட்டை அண்ணா விளையாட்டு மைதானத்தில் நடைபெற்றது.

இதில் 7, 8, 9 மற்றும் பிளஸ்-1 மாணவர்கள் ஏராளமானவர்கள் கலந்து கொண்டனர். அவர்களுக்கு நீச்சல் போட்டி உள்ளிட்ட 6 வகையான போட்டிகள் நடத்தப்பட்டது. இதனை மாவட்ட விளையாட்டு அலுவலர் ராஜேஷ் தலைமையிலான அதிகாரிகள் நடத்தினார்கள். இதில் தேர்ந்தெடுக்கப்படும் மாணவர்கள் தமிழகம் முழுவதும் தாங்கள் விரும்பும் அரசு விடுதிகளில் விளையாட்டு உள் இட ஒதுக்கீட்டில் சேர்த்து கொள்ளப்படுவார்கள்.