டாக்டர் அப்துல்கலாம் நினைவு நாளையொட்டி அறிவியல் கண்காட்சி

காரைக்குடி

மறைந்த முன்னாள் ஜனாதிபதி அப்துல்கலாம் நினைவு நாளையொட்டி காரைக்குடி அழகப்பா மெட்ரிக் மேல்நிலைப்பள்ளியில் மாணவர்கள் சார்பில் அறிவியல் கண்காட்சி நடைபெற்றது. கண்காட்சியில் 50-க்கும் மேற்பட்ட அறிவியல் படைப்புகளை மாணவ-மாணவிகள் செய்து காட்சிப்படுத்தினர். இந்த கண்காட்சியை பள்ளி மாணவர்கள், பெற்றோர், ஆசிரியர்கள் உள்பட பலர் பார்வையிட்டு மகிழ்ந்தனர். மேலும் கண்காட்சி அமைத்திருந்த மாணவர்களை கல்விக்குழுமத்தின் தலைவர் ராமநாதன் வைரன், நிர்வாக அறங்காவலர் தேவி அலமு, பள்ளி முதல்வர் பிராங்கிளின் வில்பிரட் ஆகியோர் பாராட்டினர். இதேபோல் காரைக்குடி பெரியார் சிலை பகுதியில் உள்ள தனியார் மண்டபத்தில் நடைபெற்ற அறிவியல் கண்காட்சியில் ஏராளமான பள்ளி மாணவ-மாணவிகள் கலந்துகொண்டு பல்வேறு அறிவியல் படைப்புகளை காட்சிப்படுத்தி வைத்திருந்தனர். இதை பொதுமக்கள், ஆசிரியர்கள், மாணவ-மாணவிகள் பார்வையிட்டு வியந்தனர். மேலும் சிறப்பான அறிவியல் படைப்பு வைத்திருந்த மாணவ-மாணவிகளுக்கு பரிசுகள் வழங்கப்பட்டது.