மரக்கன்றுகள் வழங்கும் நிகழ்ச்சி

சேரன்மாதேவி:

கோபாலசமுத்திரம் கிராம உதயம் சார்பில், நெல்லை பி.எஸ்.எஸ். தியேட்டர் வளாகத்தில் 1,000 மரக்கன்றுகள் வழங்குதல், நடுதல், பராமரித்தல் மற்றும் 1,000 துணிப்பைகள் வழங்கும் நிகழ்ச்சி நடைபெற்றது. நிகழ்ச்சிக்கு திரைப்பட இயக்குனர் லட்சுமி ராமகிருஷ்ணன் தலைமை தாங்கி, மரக்கன்றுகள் வழங்கி தொடங்கி வைத்து பேசினார். கிராம உதயம் நிர்வாக இயக்குனர் சுந்தரேசன் முன்னிலை வகித்தார். கிராம உதயம் ஆலோசனைக்குழு உறுப்பினர் வக்கீல் புகழேந்தி பகத்சிங் வரவேற்று பேசினார். பகுதி பொறுப்பாளர்கள் வாழ்த்தி பேசினர். நிர்வாக மேலாளர் மகேஷ்வரி நன்றி கூறினார்.