சேதமடைந்த கண்மாய் கலுங்கை சீரமைக்க கோரிக்கை

ஆர்.எஸ்.மங்கலம்,

ஆர்.எஸ்.மங்கலம் அருகே உள்ள விளத்தூர் கிராமத்தில் பெரிய பாசன கண்மாய் உள்ளது. இந்த கண்மாய் கலுங்கு, மடை போன்றவை கட்டி 40 ஆண்டுகளுக்கு மேல் ஆகிவிட்டதால் இவைகள் அனைத்தும் இடிந்து விட்டன. மொத்தம் 4 மடைகளில் 3 மடைகள் முழுவதும் இடிந்து கிடக்கிறது.இதனால் மழை பெய்தாலும் போதிய தண்ணீரை தேக்கி வைக்க முடியவில்லை. எனவே சேதமடைந்த கண்மாய் கலுங்கை சீரமைக்க நடவடிக்கை எடுக்க வேண்டும் என விவசாயிகள் கோரிக்கை விடுத்துள்ளனர்.