சரக்கு வேனில் கடத்த முயன்ற 2 டன் ரேஷன் அரிசி பறிமுதல்

வீரபாண்டி அருகே சரக்கு வேனில் கடத்த முயன்ற 2 டன் ரேஷன் அரிசி பறிமுதல் செய்யப்பட்டது. இதுதொடர்பாக 4 பேர் கைது செய்யப்பட்டனர்.;

Update: 2023-03-16 20:04 GMT

பனமரத்துப்பட்டி

சேலம் வீரபாண்டி அருகே உள்ள அக்கரைபாளையம் பகுதியில் ரேஷன் அரிசி கடத்தப்படுவதாக உணவு கடத்தல் தடுப்பு பிரிவு போலீசாருக்கு தகவல் கிடைத்தது. அதன்பேரில் போலீஸ் சப்-இன்ஸ்பெக்டர் வேல்முருகன் தலைமையில் போலீசார் அங்கு விரைந்து சென்று கண்காணித்தனர். அப்போது சிலர் சரக்கு வேனில் ரேஷன் அரிசியை கடத்த முயன்றது தெரியவந்தது. இதுகுறித்து போலீசார் விசாரணை நடத்தினர். அப்போது அவர்கள் அக்கரைபாளையம் ஜெ.ஜெ.நகரை சேர்ந்த முருகன் (வயது 52), ராகவன் (20), நெய்காரப்பட்டியை சேர்ந்த ராஜேஷ்கண்ணன் (36), மகுடஞ்சாவடியை சேர்ந்த தினேஷ் (29) ஆகியோர் என்பதும், ரேஷன் அரிசியை நாமக்கல்லுக்கு கோழிப்பண்ணைக்கு கடத்த முயன்றதும் தெரியவந்தது. இதையடுத்து அவர்கள் 4 பேரையும் போலீசார் கைது செய்தனர். மேலும் சரக்கு வேனுடன் 2 டன் ரேஷன் அரிசியை போலீசார் பறிமுதல் செய்தனர்.

மேலும் செய்திகள்