நெல்லையில் ரெயில்வே பாலம் பராமரிப்பு பணி:திருச்செந்தூர் ரெயில்கள் ரத்து

நெல்லை ரெயில்வே யார்டுக்கு உட்பட்ட பகுதியில் ரெயில் பாலம் பராமரிப்பு பணி நடந்து வருகிறது. இதனால் ரெயில் சேவைகளில் மாற்றம் செய்து தெற்கு ரெயில்வே அறிவித்து உள்ளது. அதன்படி முன்பதிவு இல்லாத சிறப்பு ரெயில்களான, நெல்லை-திருச்செந்தூர் சிறப்பு ரெயில் (06675), திருச்செந்தூர்-வாஞ்சி மணியாச்சி முன்பதிவு இல்லாத சிறப்பு ரெயில் (06680) ஆகியவை இன்று (புதன்கிழமை) முழுமையாக ரத்து செய்யப்பட்டு உள்ளது.

அதே போன்று பாலக்காடு-திருச்செந்தூர் விரைவு ரெயில் இன்று (புதன்கிழமை) பாலக்காட்டில் இருந்து கோவில்பட்டி வரை மட்டும் இயக்கப்படுகிறது. திருச்செந்தூர்-பாலக்காடு ரெயில் திருச்செந்தூரில் இருந்து புறப்படுவதற்கு பதிலாக கோவில்பட்டியில் இருந்து புறப்பட்டு செல்லும். மேலும் மாலை 4.15 மணிக்கு நெல்லையில் இருந்து திருச்செந்தூர் செல்லக்கூடிய முன்பதிவு இல்லாத சிறப்பு ரெயில் மாலை 6 மணிக்கு புறப்பட்டு செல்கிறது.