அரசு போக்குவரத்து கழக ஓய்வு பெற்றோர் சங்கத்தினர் ஆர்ப்பாட்டம்

தமிழ்நாடு அரசு போக்குவரத்து கழக ஓய்வு பெற்றோர் ஏ.ஐ.டி.யு.சி. சங்கத்தின் சார்பில் புதுக்கோட்டையில் மண்டல தலைமை அலுவலகம் முன்பு நேற்று ஆர்ப்பாட்டம் நடைபெற்றது. ஆர்ப்பாட்டத்திற்கு மண்டல தலைவர் மாணிக்கம் தலைமை தாங்கினார். கடந்த 2021-ம் ஆண்டு ஏப்ரல் முதல் பணி நிறைவு பெற்றவர்களுக்கு உடனே பணப்பலன்களை வழங்கிட வேண்டும். 2015-ம் ஆண்டு அக்டோபர் முதல் ஓய்வு பெற்றவர்களுக்கு நீதிமன்ற தீர்ப்பை மதித்து 89 மாத அகவிலைப்படி உயர்வை வழங்கிட வேண்டும், மருத்துவப்படியை ரூ.300 ஆக உயர்த்தி வழங்க வேண்டும் என்பது உள்ளிட்ட கோரிக்கைகளை வலியுறுத்தி ஆர்ப்பாட்டம் நடைபெற்றது. இதில் சங்கத்தை சேர்ந்தவர்கள் கலந்து கொண்டனர்.