புதுப்பட்டி, பழைய கந்தர்வகோட்டை, வடகாடு, கொடிக்குளம் துணை மின் நிலைய பகுதிகளில் இன்று மின் நிறுத்தம்

கந்தர்வகோட்டை:

பராமரிப்பு பணிகள்

கந்தர்வகோட்டை பகுதியில் உள்ள புதுப்பட்டி துணை நிலையம் மற்றும் பழைய கந்தர்வகோட்டை துணை மின் நிலையம் ஆகிய மின் நிலையங்களில் திறன் மாற்றி நிறுவும் பணிகள் இன்று(செவ்வாய்க்கிழமை) நடைபெறுகிறது. இதனால் இந்த துணை மின் நிலையங்களில் இருந்து மின்வினியோகம் பெறும் கல்லாக்கோட்டை, மட்டங்கால்சுந்தம்பட்டி, நெப்புகை, வேம்பன்பட்டி, சிவந்தாம்பட்டி, அரவம்பட்டி, மங்கனூர், வடுகப்பட்டி, பிசானத்தூர், துருசுப்பட்டி, மெய்க்குடிபட்டி ஆகிய கிராமங்களுக்கு இன்று காலை 11.30 மணி முதல் மதியம் 2.30 மணி வரை மின் வினியோகம் இருக்காது. இந்த தகவலை மின்வாரிய உதவி செயற்பொறியாளர் ராஜ்குமார் தெரிவித்துள்ளார்.

இதேபோல் வடகாடு துணை மின் நிலையத்தில் இன்று மாதாந்திர பராமரிப்பு பணிகள் நடைபெற உள்ளது. இதனால் இங்கிருந்து மின் வினியோகம் பெறும் வடகாடு, மாங்காடு, புள்ளான்விடுதி, கொத்தமங்கலம், ஆலங்காடு, பள்ளத்திவிடுதி, பசுவயல், அரையப்பட்டி, கீழாத்தூர், சூரன்விடுதி மற்றும் அதை சார்ந்த பகுதிகளுக்கு இன்று காலை 9 மணி முதல் மதியம் 2 மணி வரை மின் நிறுத்தம் செய்யப்படும். இந்த தகவலை வடகாடு மின்வாரிய உதவி செயற்பொறியாளர் குமாரவேல் தெரிவித்துள்ளார்.

மின் நிறுத்தம்

மேலும் கோட்டைப்பட்டினம் அருகே உள்ள கொடிக்குளம் துணை மின் நிலையத்தில் இன்று பராமரிப்பு பணிகள் நடைபெற உள்ளன. இதனால் இங்கிருந்து மின்சாரம் வினியோகம் செய்யப்படும் அம்பலவானேந்தல், கரக்கத்திக்கோட்டை, மஞ்சக்குடி, பரனூர், மணலூர், மீமிசல், குமரப்பன்வயல், செய்யானம், வேல்வரை, வெளிவயல், நாட்டாணிபுரசகுடி, ஆர்.புதுப்பட்டினம், அரசநகரிப்பட்டினம், பொண்ணமங்கலம் ஆகிய பகுதிகளுக்கு இன்று காலை 9 மணி முதல் மாலை 5 மணி வரை மின்சாரம் இருக்காது. இந்த தகவலை அறந்தாங்கி உதவி செயற்பொறியாளர் சுப்பிரமணியன் (பொறுப்பு) வெளியிட்டுள்ள செய்திக்குறிப்பில் தெரிவித்துள்ளார்.