மகா சிவராத்திரியை முன்னிட்டு 468 சித்தர்களுக்கு பூஜை

காவேரிப்பாக்கம்

மகா சிவராத்திரியை முன்னிட்டு 468 சித்தர்களுக்கு பூஜை நடந்தது.

வாலாஜாபேட்டை தன்வந்திரி ஆரோக்ய பீடத்தில் நிறுவனர் மற்றும் பீடாதிபதி கயிலை ஞானகுரு டாக்டர் முரளிதர சுவாமிகளின் ஆலோசனைப்படி தேய்பிறை பிரதோசம் மற்றும் மகா சிவராத்திரியை முன்னிட்டு 468 சித்தர்களுக்கு பூஜை மற்றும் மரகதாம்பிகை சமேத மரகதலிங்கேஸ்வரர், பஞ்சலிங்க ஜலகண்டேஸ்வரருக்கு சிறப்பு ஹோமம் மற்றும் அபிஷேகம் மூன்று கால பூஜையாக நடைபெற்றது.

இது குறித்து நிர்வாகிகள் கூறுகையில், நம் பிரார்த்தனை மூலம் சம்பந்தப்பட்ட தேவதையை நாம் குளிர வைக்க வேண்டும். மழை வேண்டியும், விவசாயிகளின் நலம் வேண்டியும், பஞ்ச பூதங்களின் ஆசி வேண்டியும், ஒவ்வொருவரின் தனிப்பட்ட பிரச்சினைகள், குடும்ப நலன், நோயில்லா வாழ்க்கை, செல்வ வளம், கல்வி, திருமணம், குழந்தைப் பேறு, உத்தியோகம் இப்படிப்பட்ட அனைத்துக்கும் மஹா சிவராத்திரியை முன்னிட்டு மேற்கண்ட ஹோமமும் பூஜையும் அபிஷேகமும் நடைபெற்றது'' என்றனர்.