இமானுவேல் சேகரன் படத்துக்கு அரசியல் கட்சியினர் மாலை அணிவித்து மரியாதை

சுதந்திர போராட்ட தியாகி இமானுவேல் சேகரன் நினைவு தினத்தையொட்டி, நெல்லையில் அலங்கரிக்கப்பட்ட அவரது படத்துக்கு அரசியல் கட்சியினர் மாலை அணிவித்து மரியாதை செலுத்தினர்.

தி.மு.க.-காங்கிரஸ்

சுதந்திர போராட்ட தியாகி இமானுவேல் சேகரன் நினைவு தினம் நேற்று அனுசரிக்கப்பட்டது. இதையொட்டி நெல்லை மாவட்ட காங்கிரஸ் அலுவலகம் முன்பு அலங்கரித்து வைக்கப்பட்டிருந்த அவரது உருவப்படத்துக்கு மாவட்ட தலைவர் சங்கரபாண்டியன் தலைமையில், முன்னாள் மத்திய மந்திரி தனுஷ்கோடி ஆதித்தன் மாலை அணிவித்து மரியாதை செலுத்தினார்.

தொடர்ந்து அப்துல் வகாப் எம்.எல்.ஏ. மாலை அணிவித்து மரியாதை செலுத்தினார். துணை மேயர் கே.ஆர்.ராஜூ, மண்டல தலைவர்கள் பிரான்சிஸ், மகேஸ்வரி, இனப்படுகொலைக்கு எதிரான கூட்டமைப்பு நிர்வாகி பீட்டர் உள்பட பலர் கலந்து கொண்டனர்.

நெல்லை மத்திய மாவட்ட தி.மு.க. அலுவலகத்தில் அலங்கரித்து வைக்கப்பட்டிருந்த இமானுவேல் சேகரன் உருவப்படத்திற்கு மத்திய மாவட்ட பொறுப்பாளர் டி.பி.எம்.மைதீன்கான் தலைமையில் மாலை அணிவித்து மரியாதை செலுத்தப்பட்டது. ஞானதிரவியம் எம்.பி., முன்னாள் எம்.பி. விஜிலா சத்யானந்த், முன்னாள் எம்.எல்.ஏ. மாலைராஜா, மேயர் சரவணன், மாநகர செயலாளர் சுப்பிரமணியன், பொதுக்குழு உறுப்பினர் பரமசிவ அய்யப்பன், மாவட்ட இளைஞர் அணி அமைப்பாளர் வில்சன் மணித்துரை, மாநகர இளைஞரணி அமைப்பாளர் கருப்பசாமி கோட்டையப்பன், சூப்பர் மார்க்கெட் தலைவர் பல்லிக்கோட்டை செல்லத்துரை மற்றும் பலர் கலந்து கொண்டு மரியாதை செலுத்தினர்.

அ.தி.மு.க.- தமிழக மக்கள் முன்னேற்ற கழகம்

நெல்லை மாவட்ட அ.தி.மு.க. அலுவலகத்தில் அலங்கரித்து வைக்கப்பட்டிருந்த இம்மானுவேல் சேகரன் உருவப்படத்திற்கு மாவட்ட செயலாளர் தச்சை கணேசராஜா தலைமையில் மாலை அணிவித்து மரியாதை செலுத்தப்பட்டது. வக்கீல் அன்பு அங்கப்பன், புதுக்குளம் பஞ்சாயத்து தலைவர் முத்துக்குட்டி பாண்டியன் உள்பட பலர் கலந்து கொண்டனர்.

பாளையங்கோட்டை மகராஜநகரில் அலங்கரிக்கப்பட்ட இமானுவேல் சேகரன் படத்திற்கு தமிழக மக்கள் முன்னேற்ற கழக மாவட்ட தலைவர் கண்மணி மாவீரன் தலைமையில் மாலை அணிவித்து மரியாதை செலுத்தப்பட்டது.

தமிழர் உரிமை மீட்பு களத்தினர் ஒருங்கிணைப்பாளர் லெனின் கென்னடி தலைமையில் மேலக்கருங்குளத்தில் அலங்கரிக்கப்பட்ட இமானுவேல் சேகரன் படத்துக்கு மாலை அணிவித்து மரியாதை செலுத்தினர். தென்மண்டல செயலாளர் கணேசபாண்டியன், உதயன், மாவட்ட செயலாளர் சண்முகராஜ், ஒருங்கிணைப்பாளர் மகேந்திரன், பெரியசாமி உள்பட பலர் கலந்து கொண்டனர்.

மூலைக்கரைப்பட்டி

தமிழக மக்கள் முன்னேற்ற கழக தலைவர் ஜான் பாண்டியன் ஆலோசனையின்பேரில், மூலைக்கரைப்பட்டியில் அலங்கரிக்கப்பட்ட இமானுவேல் சேகரன் படத்துக்கு நாங்குநேரி ஒன்றிய தலைவர் தேவேந்திர சுதாகர் மாலை அணிவித்து மரியாதை செலுத்தினார். கட்சி நிர்வாகிகள் தேவா என்ற தேவேந்திரன் காளிமுத்து, பாலாஜி, அஜித், தங்கராஜ், அகஸ்டின் உள்பட பலர் கலந்து கொண்டனர்.