கடலூர் துறைமுகம் அருகே உப்பனாற்றில் ஆண் பிணம் போலீசார் விசாரணை

கடலூர் முதுநகர்,

கடலூர் துறைமுகம் அருகே உப்பனாற்றில் நேற்று காலை ஆண் ஒருவர் பிணமாக கிடந்தார். இது குறித்த தகவலின் பேரில் கடலூர் துறைமுகம் போலீசார் சம்பவ இடத்துக்கு விரைந்து சென்று இறந்தவரின் உடலை கைப்பற்றி பிரேத பரிசோதனைக்காக கடலூர் அரசு மருத்துவமனைக்கு அனுப்பி வைத்தனர். தொடர்ந்து இறந்தவர் யார், எந்த ஊரை சேர்ந்தவர் என்பது குறித்து விசாரணை நடத்தினர். இதில் இறந்தவர் கடலூர் முதுநகர் சாலக்கரையை சேர்ந்த பூட்டோ (வயது 47) என்பது தெரிந்தது. பூட்டோ உப்பனாற்றில் தவறி விழுந்து இறந்தாரா? அல்லது வேறு ஏதேனும் காரணமா? என போலீசார் வழக்குப்பதிவு செய்து விசாரணை நடத்தி வருகின்றனர்.