மனைவி தற்கொலை வழக்கில் பெயிண்டர் கைது

அணைக்கட்டு

பள்ளிகொண்டா அருகே ஒதியத்தூர் பகுதியை சேர்ந்தவர் வசந்தகுமார் (வயது 40) பெயிண்டர். இவரது மனைவி அஞ்சலி (38). இவர்களுக்கு 7 வயதில் மகன் ஒருவன் உள்ளான்.

கணவன்-மனைவிக்கு ஏற்பட்ட குடும்ப தகராறு காரணமாக, கடந்த 9-ந் தேதி வீட்டில் அஞ்சலி தூக்குப்போட்டு தற்கொலை செய்து கொண்டார்.

இந்த சம்பவம் குறித்து பள்ளிகொண்டா போலீசார் விசாரணை மேற்கொண்டனர். அதில் அஞ்சலி மீது ஏற்பட்ட சந்தேகத்தின் அடிப்படையில், வசந்தகுமார் சித்ரவதை செய்ததாக கூறப்படுகிறது.

இதனால் மனவேதனை அடைந்த அஞ்சலி தற்கொலை செய்து கொண்டது தெரியவந்தது. இதையடுத்து தற்கொலைக்கு தூண்டியதாக வசந்தகுமார் மீது வழக்குப்பதிவு செய்து அவரை போலீசார் கைது செய்தனர்.