புதிய அங்கன்வாடி மையம் திறப்பு

சிவகிரி:

சிவகிரி அருகே உள்ள வண்ணான்பாறை என்ற சுப்பிரமணியபுரம் கிராமத்தில் ரூ.10.80 லட்சம் மதிப்பில் புதிதாக அங்கன்வாடி மைய கட்டிடம் கட்டப்பட்டு உள்ளது. இதன் திறப்பு விழா நடைபெற்றது. டாக்டர் சதன்திருமலைக்குமார் எம்.எல்.ஏ. தலைமை தாங்கி, திறந்து வைத்து குத்துவிளக்கு ஏற்றினார். வாசுதேவநல்லூர் ஊராட்சி ஒன்றியப் பெருந்தலைவா் பொன் முத்தையா பாண்டியன் முன்னிலை வகித்தார்.

வாசுதேவநல்லூர் வட்டார வளர்ச்சி அலுவலர் கணேசன், ஒன்றிய பொறியாளர்கள் மார்க்கோனி, அருள் நாராயணன், ஒன்றிய துணைச் செயலாளர் குமார், தகவல் தொழில்நுட்ப அணி முருகன் சாமிநாதன், ஊராட்சி மன்ற துணைத் தலைவர் தேவராணி, கிளைச் செயலாளர்கள் குருசாமி, கருத்தபாண்டியன், உள்ளார் விக்கி உள்பட பலர் கலந்து கொண்டனர்.