கம்பத்தில்கஞ்சா விற்ற பெண் கைது

கம்பம் சுவாமி விவேகானந்தர் தெருவில் கஞ்சா விற்பதாக கம்பம் வடக்கு போலீசாருக்கு தகவல் கிடைத்தது. அதன்பேரில் போலீஸ் சப்-இன்ஸ்பெக்டர் இளையராஜா தலைமையிலான போலீசார் ரோந்து சென்றனர். அப்போது அந்த பகுதியில் நின்ற பெண் உள்பட 2 பேர் போலீசாரை கண்டதும் தப்பி ஓட முயன்றனர். இதையடுத்து போலீசார் விரட்டி சென்று பெண்ணை மடக்கி பிடித்தனர். மற்றொரு நபர் தப்பி ஓடிவிட்டார்.

பின்னர் அந்த பெண்ணை சோதனை செய்தபோது அவரிடம் 100 கிராம் கஞ்சா இருப்பது கண்டுபிடிக்கப்பட்டது. அதனை பறிமுதல் செய்த போலீசார் விசாரணை நடத்தினர். விசாரணையில் அவர் அதே பகுதியை சேர்ந்த சுபலட்சுமி (வயது 21) என்பதும், அவரது கணவர் சிவராஜாவுடன் சேர்ந்து கஞ்சா விற்பனை செய்ததும் தெரியவந்தது. இதுகுறித்து போலீசார் வழக்குப்பதிவு செய்து சுபலட்சுமியை கைது செய்தனர். தப்பியோடிய சிவராஜாவை தேடி வருகின்றனர்.