ரெயிலில் அடிபட்டு முதியவர் பலி

உளுந்தூர்பேட்டை, 

உளுந்தூர்பேட்டை அருகே பு.மாம்பாக்கம் ரெயில்வே மேம்பாலம் பகுதியில் உள்ள தண்டவாளம் அருகில் பலத்த காயங்களுடன் முதியவர் ஒருவர் இறந்து கிடந்தார். இது குறித்த தகவலின் பேரில் விருத்தாசலம் ரெயில்வே போலீசார் சம்பவ இடத்துக்கு விரைந்து சென்று முதியவரின் உடலை கைப்பற்றி பிரேத பரிசோதனைக்காக விருத்தாசலம் அரசு மருத்துவமனைக்கு அனுப்பி வைத்தனர். தொடர்ந்து போலீசார் நடத்திய விசாரணையில், உளுந்தூர்பேட்டை வழியாக சென்ற ரெயில் ஒன்றில் அடிபட்டு அந்த முதியவர் இறந்தது தெரியவந்தது. இதையடுத்து இறந்த முதியவர் யார், அவர் எந்த ஊரைச்சேர்ந்தவர் என்பது பற்றி போலீசார் மேற்கொண்டு விசாரணை நடத்தி வருகின்றனர்.