தூத்துக்குடியில் மோட்டார் சைக்கிள் மோதி முதியவர் சாவு

தூத்துக்குடி டி.எம்.பி. காலனியை சேர்ந்தவர் கருப்பசாமி (வயது 75). இவர் நேற்று முன்தினம் தூத்துக்குடி எம்.ஜி.ஆர். பூங்காவில் நடைபயிற்சியை முடித்து விட்டு வெளியில் வந்து ரோட்டை கடக்க முயன்றாராம். அப்போது அந்த வழியாக வந்த மோட்டார் சைக்கிள் எதிர்பாராத விதமாக கருப்பசாமி மீது மோதியது. இதில் பலத்த காயம் அடைந்த கருப்பசாமி சிகிச்சைக்காக தூத்துக்குடி அரசு ஆஸ்பத்திரியில் சேர்க்கப்பட்டார். அங்கு சிகிச்சை பலன் அளிக்காமல் நேற்று பரிதாபமாக இறந்தார்.

இது குறித்த புகாரின் பேரில் தென்பாகம் போலீசார் வழக்கு பதிவு செய்து விசாரணை நடத்தி வருகின்றனர்.