மோட்டார் சைக்கிள் மோதி முதியவர் சாவு

ஓட்டப்பிடாரம்:

ஓட்டப்பிடாரம் அருகே உள்ள பாஞ்சாலங்குறிச்சி வீரபாண்டிய கட்டபொம்மன் காலனியை சேர்ந்தவர் பரமசிவம் (வயது 67). இவர் நேற்று முன்தினம் ஓட்டப்பிடாரத்தில் இருந்து பாஞ்சாலங்குறிச்சி சாலையில் நடந்து சென்று கொண்டிருந்தார்.

அப்போது எதிரே வந்த மோட்டார் சைக்கிள் அவர் மீது மோதியது. இதில் படுகாயம் அடைந்த அவரை அக்கம்பக்கத்தினர் மீட்டு தூத்துக்குடி அரசு ஆஸ்பத்திரியில் சேர்த்தனர்.

அங்கு சிகிச்சை பலனின்றி பரமசிவம் பரிதாபமாக உயிரிழந்தார். இந்த சம்பவம் குறித்து ஓட்டப்பிடாரம் போலீஸ் இன்ஸ்பெக்டர் முத்துராமன் வழக்குப்பதிவு செய்து மோட்டார் சைக்கிள் ஓட்டிவந்த வடக்கு ஆவரங்காடு கிராமத்தை சேர்ந்த கனகராஜ் (60) என்பவரை கைது செய்து விசாரணை நடத்தி வருகிறார்.