உடன்குடி அருகே கஞ்சா விற்ற வாலிபர் கைது

குலசேகரன்பட்டினம்:

குலசேகரன்பட்டினம் போலீஸ் சப்- இன்ஸ்பெக்டர் ஐயப்பன் மற்றும் போலீசார் உடன்குடி ஒண்டிவீரன் டாஸ்மார்க் கடை அருகே ரோந்து சென்றனர். அப்போது திருச்செந்தூர் வீரபாண்டியபட்டினத்தைச் சேர்ந்த சுயம்புலிங்கம் மகன் ராஜா (வயது 20) என்பவர் உடங்காட்டுப்பகுதியில் கஞ்சா விற்று கொண்டிருந்ததாக கூறப்படுகிறது. போலீசாரை பார்த்ததும் அவர் தப்பி ஓடியுள்ளார். அவரை போலீசார் விரட்டி பிடித்தனர். அவர் 4 பாக்கெட்டுகளில் வைத்திருந்த 18 கிராம் கஞ்சாவை போலீசார் பறிமுதல் செய்தனர். இது தொடர்பாக குலசேகரன்பட்டினம் போலீசார் வழக்குப்பதிவு செய்து அவரை கைது செய்தனர்.