தூத்துக்குடி அருகே 2 வாலிபர்கள் மீது தாக்குதல்

ஸ்பிக்நகர்:

தூத்துக்குடி அருகே உள்ள குலையன்கரிசல் பார்வதி அம்மன் கோவில் தெருவைச் சேர்ந்தவர் ராஜசேகர். இவரது மகன் மனோஜ் (வயது25). கூலி தொழிலாளி. இவருடைய நண்பர் குலையன்கரிசல் சக்கம்மன் கோவில் தெருவைச் சேர்ந்த தனசேகர் மகன் சரவணக்குமார்(27) என்பவருடன் முத்தையாபுரம் அருகே உள்ள பொட்டல்காடு விலக்கு பகுதியில் உள்ள டீக்கடையில் டீ குடித்துக் கொண்டிருந்தனர். அப்போது அங்கு வந்த 6 பேர் கொண்ட கும்பல் இவர்களை அவதூறாக பேசி தாக்கியுள்ளனர். இதில் காயமடைந்த இருவரும் தூத்துக்குடி அரசு ஆஸ்பத்திரியில் சிகிச்சை பெற்று வீடு திரும்பினர். இது குறித்த புகாரின் பேரில் முத்தையாபுரம் போலீசார் வழக்குப்பதிவு செய்து தாக்குதல் நடத்திய 6 பேர் மீது கும்பலை தேடிவருகின்றனர்.