கயத்தாறு அருகே பஸ் மோதி வாலிபர் பலி

கயத்தாறு:

கயத்தாறு அருகே தளவாய்புரத்தில் சாலையோரம் 25 வயது மதிக்கத்தக்க வாலிபர் ஒருவர் நடந்து சென்று கொண்டிருந்தார். அப்போது அந்த வழியாக சென்ற அரசு பஸ் அவர் மீது மோதியது. இதில் அந்த வாலிபர் சம்பவ இடத்திலேயே இறந்தார். தகவல் அறிந்ததும் கயத்தாறு போலீசார் விரைந்து வந்தனர். வாலிபரின் உடலை கைப்பற்றி பிரேத பரிசோதனைக்காக கோவில்பட்டி அரசு ஆஸ்பத்திரிக்கு அனுப்பி வைத்தனர். போலீசார் வழக்குப்பதிவு செய்து அவர் யார், எந்த ஊரை சேர்ந்தவர்? என விசாரணை நடத்தி வருகின்றனர்.