5 மணி நேரம் தாமதமாக தூத்துக்குடி வந்த மைசூர் எக்ஸ்பிரஸ் ரெயில்

மைசூரில் இருந்து நேற்று முன்தினம் மாலை 6.20 மணிக்கு மைசூர்-தூத்துக்குடி விரைவு ரெயில் புறப்பட்டது. இந்நிலையில், ஓசூர் அருகே உள்ள ராயக்கோட்டையில் சரக்கு ரெயில் தடம் புரண்டு விபத்துக்கு உள்ளானது. இதனால் அந்த வழியாக வந்த அனைத்து ரெயில்களும் ஆங்காங்கே நிறுத்தப்பட்டன. இதையடுத்து, ரெயில்வே ஊழியர்களின் பல மணி நேர போராடத்திற்கு பின்னர் பாதை சரிசெய்யப்பட்டது.

அதன் காரணமாக நேற்று காலை 10.20 மணிக்கு தூத்துக்குடிக்கு வரவேண்டிய மைசூர்-தூத்துக்குடி எக்ஸ்பிரஸ் ரெயில், சுமார் 5 மணி நேரம் தாமதமாக பிற்பகல் 3.20 மணிக்கு தூத்துக்குடி வந்து சேர்ந்தது. இதனால் பயணிகள் பெரிதும் அவதி அடைந்தனர்.