பாரதியார் பல்கலைக்கழக வளாகத்தில் காட்டு பன்றிகள் நடமாட்டம்

பாரதியார் பல்கலைக்கழக வளாகத்தில் காட்டு பன்றிகள் நடமாட்டத்தால் மாணவர்கள் அச்சம் அடைந்துள்ளனர்.;

Update: 2023-07-20 22:45 GMT

வடவள்ளி

கோவை-மருதமலை சாலையில் மேற்கு மலைத்தொடர்ச்சி அடிவாரத்தில் பாரதியார் பல்கலைக்கழகம் உள்ளது. இதனால் அங்கு வனவிலங்குகள் அடிக்கடி வருவது வழக்கம். இந்த நிலையில் பாரதியார் பல்கலைக்கழக வளாகத்தில் பகல் நேரத்திலேயே அடிக்கடி காட்டுபன்றிகள் குட்டிகளுடன் உலா வருகின்றன. இதனால் மாணவ-மாணவிகள் அச்சம் அடைந்துளள்னர்.

இதுகுறித்து பொதுமக்கள் கூறுகையில், மருதமலை பகுதியில் காட்டு பன்றிகளின் நடமாட்டம் அதிகரித்துள்ளது. பகல் நேரங்களில் குட்டிகளுடன் கூட்டமாக சுற்றி திரிகிறது. பல்கலைக்கழக வளாகத்திலும் உலா வருகிறது. இது வாகன ஓட்டிகள், மாணவ-மாணவிகளிடம் அச்சத்தை ஏற்படுத்தி உள்ளது. சாலையில் செல்லும் காட்டுப்பன்றிகள் வாகனங்களை முட்டி விபத்து ஏற்படுத்த வாய்ப்பு உள்ளது. எனவே வனத்துறை அதிகாரிகள் துரித நடவடிக்கை எடுத்து மருதமலை சாலையில் செல்லும் வாகன ஓட்டிகளின் பாதுகாப்பை உறுதி செய்ய வேண்டும். பல்கலைக்கழக வளாகத்திலும் அடிக்கடி ரோந்து சென்று காட்டுப்பன்றிகளின் நடமாட்டத்தை கட்டுப்படுத்த வேண்டும் என்று தெரிவித்தனர்.

Tags:    

மேலும் செய்திகள்