மரத்தில் மோட்டார் சைக்கிள் மோதி வாலிபர் பலி

அரிமளம்:

பெருங்குடி அருகே குருந்தங்குடி பாலம்பட்டி கிராமத்தை சேர்ந்தவர் நீலகண்டன் (வயது 32). இவர், தனது மோட்டார் சைக்கிளில் அரிமளம் சென்று வீட்டிற்கு தேவையான காய்கறிகளை வாங்கிக் கொண்டு வந்து கொண்டிருந்தார். அப்போது எதிர்பாராதவிதமாக நீலகண்டன் ஓட்டி வந்த மோட்டார் சைக்கிள் சாலை ஓரத்தில் உள்ள புளிய மரத்தில் மோதியது.

இதில் தலையில் பலத்த காயம் அடைந்த நீலகண்டன் சம்பவ இடத்திலேயே பரிதாபமாக இறந்தார். இதையறிந்த அரிமளம் போலீசார் சம்பவ இடத்திற்கு விரைந்து வந்து நீலகண்டன் உடலை கைப்பற்றி பிரேத பரிசோதனைக்காக புதுக்கோட்டை அரசு மருத்துவக்கல்லூரி மருத்துவமனைக்கு அனுப்பி வைத்தனர். இதுகுறித்து போலீசார் வழக்குப்பதிவு செய்து விசாரணை நடத்தி வருகின்றனர்.