முதியவரை தாக்கிய தாய்-மகன் கைது

இளம்பிள்ளை:-

இளம்பிள்ளை அருகே உள்ள வளைய செட்டிப்பட்டி பகுதியைச் சேர்ந்தவர் ராமசாமி (வயது 66). அதேபகுதியை சேர்ந்தவர்கள் பச்சியம்மாள் (63). இவரது மகன் ரஞ்சித் (24). இவர்களுக்குள் மாடு மேய்த்தது தொடர்பாக தகராறு ஏற்பட்டது. அப்போது ராமசாமியை பச்சியம்மாள், ரஞ்சித் ஆகியோர் தகாத வார்த்தையால் திட்டி கல்லால் தாக்கினர். இதில் படுகாயம் அடைந்த அவர் சேலம் அரசு மருத்துவமனையில் சேர்க்கப்பட்டு சிகிச்சை பெற்று வருகிறார். இது குறித்த புகாரின் பேரில் மகுடஞ்சாவடி போலீசார் வழக்குப்பதிவு செய்து பச்சியம்மாள், ரஞ்சித் ஆகியோரை கைது செய்தனர்.