பொதுமக்களை அச்சுறுத்தும் குரங்குகள்

திருக்கடையூர்:

மயிலாடுதுறை மாவட்டம் திருக்கடையூர் ஊராட்சிக்குட்பட்ட சன்னதி வீதி, தெற்கு வீதி, மேலவீதி, கீழவீதி, வடக்கு மடவிளாகம், தெற்கு மடவிளாகம் உள்ளிட்ட பகுதிகளில் குரங்குகள் தொந்தரவால் மக்கள் அவதிப்பட்டு வருகிறார்கள். வீடுகள் மற்றும் கடைகளில் வைத்துள்ள பொருட்களான அரிசி காய்கறி பழவகைகளை குரங்குகள் தின்றும் சேதப்படுத்தி வருகிறது. மேலும் அமிர்தகடேஸ்வரர் கோவிலுக்கு வரும் பக்தர்களையும் குழந்தைகள் வயதானவர்களையும் கடித்து வருகிறது. மேற்கண்ட பகுதிகள் 50- க்கும் மேற்பட்ட குரங்குகள் சுற்றி திரிகின்றன. எனவே திருக்கடையூர் ஊராட்சியில் சுற்றித்திரியும் குரங்குகளை சம்பந்தப்பட்ட அதிகாரிகள் கூண்டு வைத்து பிடித்து வனப்பகுதியில் கொண்டுவிட வேண்டும் என அப்பகுதி மக்கள் கோரிக்கை விடுத்துள்ளனர்.