வளர் இளம் பருவத்தினருக்கான சிறப்பு மருத்துவ முகாம்

நீடாமங்கலத்தில் உள்ள அரசு உதவி பெறும் மேல்நிலைப் பள்ளியில் வளர் இளம் பருவத்தினருக்கான சிறப்பு மருத்துவ முகாம் மற்றும் விழிப்புணர்வு கூட்டம் நடைபெற்றது. இதற்கு வட்டார மருத்துவ அலுவலர் ராணி முத்துலட்சுமி தலைமை தாங்கினார். முகாமில் 355 மாணவ, மாணவிகள் கலந்து கொண்டனர். முகாமிற்கான ஏற்பாட்டினை பள்ளி தலைமை ஆசிரியர் காந்தி, கோவில்வெண்ணி அரசு ஆரம்ப சுகாதார நிலைய ஆய்வாளர்கள் சிவக்குமார், சதீஷ்குமார் ஆகியோர் செய்திருந்தனர். இதில் மாணவ, மாணவிகளுக்கு சுகாதாரம் தொடர்பாக விளக்கம் அளிக்கப்பட்டது.