பெண்ணாடம் அருகே ரெயில்வே தண்டவாளத்தில் ஆண் பிணம் போலீஸ் விசாரணை

பெண்ணாடம், 

பெண்ணாடம் அருகே திருமலை அகரம் கிராமத்தில் உள்ள ரெயில்வே தண்டவாளத்தில் 65 வயதுடைய முதியவர் ஒருவர் பிணமாக கிடந்தார். இதுபற்றி அறிந்த விருத்தாசலம் இருப்பு பாதை போலீசார் சம்பவ இடத்துக்கு விரைந்து சென்று, இறந்தவரின் உடலை கைப்பற்றி பிரேத பரிசோதனைக்காக விருத்தாசலம் அரசு ஆஸ்பத்திரிக்கு அனுப்பி வைத்தனர்.

மேலும் இறந்தவர் யார் என்பது குறித்து தெரியவில்லை. ஆனால் அவரது சட்டை பையில் தாம்பரத்தில் இருந்து திருச்சிக்கு செல்வதற்கான ரெயில் டிக்கட் ஒன்று இருந்தது. இதன் மூலம் திருச்சி மார்க்கமாக சென்ற ரெயிலில் இருந்து அவர் தவறி விழுந்து இறந்து இருக்கலாம் என்று போலீசார் சந்தேகிக்கிறார்கள்.

இது தொடர்பாக போலீசார் வழக்குப்பதிவு செய்து அவர் யார்? எந்த ஊரை சேர்ந்தவர் என்பது குறித்தும் யாரேனும் அவரை ரெயிலில் இருந்து தள்ளி விட்டார்களா அல்லது தவறி விழுந்தாரா என்று பல்வேறு கோணங்களிலும் விசாரணை மேற்கொண்டு வருகிறார்கள்.