லாட்டரி சீட்டு விற்றவர் கைது

குளித்தலை பகுதியில் நேற்று குளித்தலை போலீசார் ரோந்து பணியில் ஈடுபட்டிருந்தனர். அப்போது குளித்தலை சுங்ககேட் பகுதியில் தமிழக அரசால் தடை செய்யப்பட்ட லாட்டரி சீட்டுகள் விற்பதாக தகவல் கிடைத்துள்ளது. அதன்பேரில் அங்கு சென்ற போலீசார் அப்பகுதியில் லாட்டரி சீட்டுகளை விற்பதற்காக நின்று கொண்டிருந்த குளித்தலை அருகே உள்ள தண்ணீர்பள்ளி சேடர்தெருவை சேர்ந்த ரமேஷ்(வயது 47) என்பவரை கைது செய்தனர். மேலும் அவரிடம் இருந்த லாட்டரி சீட்டுகளை பறிமுதல் செய்து விசாரணை நடத்தி வருகின்றனர்.