லாட்டரி சீட்டு வைத்திருந்தவர் கைது

நெல்லை அருகே முன்னீர்பள்ளம் போலீஸ் சப்-இன்ஸ்பெக்டர் கயல்விழி மற்றும் போலீசார் நேற்று முன்தினம் ரோந்து பணியில் ஈடுபட்டு இருந்தனர். அப்போது கோபாலசமுத்திரம் பஜார் பகுதியில் சந்தேகப்படும் படியாக நின்றுகொண்டு இருந்த நபரை பிடித்து விசாரணை நடத்தினர்.

அதில், அவர் கோபாலசமுத்திரம் அண்ணா தெருவை சேர்ந்த பிச்சைகண்ணு (வயது 65) என்பதும், அவர் கேரள லாட்டரி சீட்டுகளை விற்பனைக்காக வைத்து இருந்ததும் தெரியவந்தது. இதனையடுத்து போலீசார் அவரை கைது செய்தனர். அவரிடம் இருந்து 20 லாட்டரி சீட்டுகளை போலீசார் பறிமுதல் செய்தனர்.