லாரி மோதி கல்லூரி மாணவர் பலி

துடியலூர்

கோவை சரவணம்பட்டி விநாயகபுரம் பகுதியைசேர்ந்தவர் சரத்குமார் (வயது 22). இவர் கோவை பீளமேட்டில் உள்ள தனியார் கல்லூரியில் முதலாம் ஆண்டு பி.எஸ்.சி.படித்து வந்தார். சம்பவத்தன்று இவர் தனது மோட்டார் சைக்கிளில் துடியலூரில் இருந்து சரவணம்பட்டி செல்லும் ரோட்டில் சென்றார்.

அப்போது அந்த வழியாக வந்த லாரி திடீரென கட்டுப்பாட்டை இழந்து மோட்டார் சைக்கிள் மீது மோதியது. இதில் தூக்கிவீசப்பட்ட அவர் தலையில் பலத்த காயம் அடைந்து சம்பவ இடத்திலேயே பரிதாபமாக இறந்தார். இதுகுறித்து துடியலூர் போலீசார் வழக்குப்பதிவு செய்துவிசாரணை நடத்தி வருகின்றனர்.