நிலப்பிரச்சினைக்கான தீர்வு முகாம்

குன்னம்:

பெரம்பலூர் மாவட்ட காவல்துறை, குன்னம் தாலுகா வருவாய் துறையினர் இணைந்து பொதுமக்களின் நிலம் தொடர்பான பிரச்சினைக்கு தீர்வு காணுவதற்கான முகாம், குன்னம் தாலுகா அலுவலகத்தில் நடைபெற்றது. பெரம்பலூர் மாவட்ட போலீஸ் சூப்பிரண்டு ஷ்யாம்ளா தேவி உத்தரவின்படி நடைபெற்ற இந்த முகாமில் மாவட்ட நில மோசடி தடுப்பு சிறப்பு பிரிவு சப்-இன்ஸ்பெக்டர் முகமது அபுபக்கர், குன்னம் தாசில்தார் அனிதா, சிறப்பு போலீஸ் சப்- இன்ஸ்பெக்டர் நல்லம்மாள், ஏட்டுகள் உள்ளிட்டோர் கலந்து கொண்டனர். முகாமில் மொத்தம் 10 மனுக்கள் பெறப்பட்டு, அந்த மனுக்களுக்கு உடனடியாக தீர்வு காணப்பட்டது.